東南亞料理研究所 (已結業)

今日同闺蜜去咗呢间fusion菜！我哋叫咗个两人餐同埋一份喇沙菜椰青水煮蚬！喇沙菜椰青水煮蚬一定要赞吓呢度啲蚬系非常新鲜！只只都好鲜甜！汤底嘅椰青味好出，有少少似椰子鸡汤，我都忍唔住就咁当汤饮咗几大啖😝烟三文鱼米纸沙律🥗有趣嘅嘅系同我哋平时食开嘅米纸卷唔同，佢将派米纸放喺成个沙律上面，夹住嚟食会俾咗沙律另外一款好特别嘅口感!越南素春卷同唐扬鸡块🍗春卷皮好薄，fillings好多，春卷同鸡快到炸得啱啱好外脆内软，非常正！手撕鸡莴笋牛油果椰菜沙律🥑未试过莴笋当做沙律嘅配菜，原来口感几爽，一试难忘！呢个沙律好清新，好似会喺泰国食到嘅美食咁😼蒸广岛蚝配和风汁广岛蚝配埋和风汁嘅香味，令到蚝味大大提升，真系别一番风味！招牌药膳麻油浸鲜鸡睇吓张相！开头我同朋友仲以为系平时食开𠮶啲小春鸡，点知原来系非常足料嘅半只鸡！厨师将火候控制得啱啱好只鸡煮到啱啱熟，所以非常鲜嫩😉药膳汤都有轻微嘅药材味，感觉非常保啊！斑兰蜜糖厚多士配椰子雪糕🥥厚多士外脆内软，椰子雪糕有少少椰子丝喺入边，冰火交融，为我哋呢一餐画上完美嘅句号😆