金蒂餐廳

营业中

休息中

因为落雨，一路行一路揾食，行过见到Cinta-J未系好多人，就入去碰下运气，都等左阵先比到位我地。好耐无黎，又搞搞新意思，试下少拣嘅套餐。我就叫左个泰式猪颈肉饭，有泰式猪颈肉，时菜，酸瓜，配白饭或蒜香饭。我同事就叫左菲式炸猪肉饭，同样配上时菜，酸瓜，配白饭或蒜香饭。每个套餐都跟甜品西米露及无限添饮饮品一杯。我个泰式猪颈肉比想像中淋，唔好以为猪颈肉又薄又幼条会好易食，其实箍牙妹好多时都食唔到，我都系见到隔离姐姐果碟唔错先嗌。个酱汁甜甜地好好味，送饭唔错。同事叫嘅菲式炸猪肉，好脆，面层肉淋，但较底位置就脆到极，箍牙妹食唔到。佢配果个唔知系咪甜酸酱，但好稀，又唔觉有味。