新泰東南亞餐廳 (已結業)

每次去修顿球场睇波，都会同波友去轩尼诗道间新泰东南亚美食医饱咗个肚再去睇波！今晚，叫咗个前菜小食系越式虾米纸卷薄薄的米纸包著生菜，红萝卜条，青瓜条，虾米干，菜苗，食落口好奭口，味道淡淡，点个辣醋食，好好味！今次不叫冬荫公，试下个细的肉骨茶，每人一碗，好足料，好多排骨，豆腐泡，还有阵阵大蒜味！好正宗呀！泰式青咖哩鸡，配印度酥饼！系天作之合！青咖哩阵阵椰香味，少少甜，少少辣！用酥饼做底饼加上青咖哩汁加鸡肉，啖啖脆卜卜，正！马拉盏通菜，好香蒜味！菜新鲜又爽口，例必会食！叻沙虾米缐，好多虾呀！米线又多！汤底不油！店内的装潢简约，好有置身于泰国的环境！服务员有礼貌！食物质素又好！已经成为我每次想食东南亚餐厅的首选之选啦！