馬六

营业中

休息中

马六就系屋企附近商场，够晒方便而且食物质素唔错，今次点左娘惹大虾海鲜掺掺同海南鸡汤米粉喇沙汤底十分浓郁，而且香气十足，口味丰富，味道绝不单一，既有椰香，又有独有香辣味道。至于面底掺掺，有油面同米粉混合，米粉吸左汤汁，油面又有另一咬口，口感十足。配料方面都有好几样，溏心蛋，鱼蛋，豆卜，鱼蛋片同埋大虾等等，啖啖不同配搭，好食又滋味。海南鸡汤米粉，汤底清香，海南鸡好香，鸡皮滑溜溜，满满鸡油脂香味，鸡肉够晒嫩，米粉份量好多，同样有豆卜同糖心蛋，两款粉面各有特色，同样好食。另外点左2客小食，分吃系沙嗲鸡串同咸蛋黄鱼皮。沙嗲鸡串，味道香浓，啖啖肉，烧到热辣辣，食落又唔会鞋口。咸蛋黄鱼皮简直系邪恶代表，但又非常好食，咸蛋黄超香，加上鱼皮香脆，咬到脆卜卜，香气系口腔漫延，正！拣左杯咸柑桔仔同话梅冰，风味独特，咸咸甜甜，清新香甜，今餐真系好满意！