馬六

营业中

休息中

落雨天都系喺屋企楼下商场食嘢最方便，马六我哋耐唔耐都会嚟帮衬娘惹大虾海鲜掺掺个汤底好香浓，各样嘅味道都好平均，小辣有椰香，面底掺掺份量好多，吸晒汤汁一流，配料都唔少，有溏心蛋，鱼蛋，豆卜，鱼蛋片同埋大虾等等，好味又饱肚，啖啖唔同口感，真系大满足。马六什锦班兰椰浆饭，唔系咁多地方可以食到，所以我哋每次嚟基本上都会点。佢有巴东牛肉，班兰包鸡，脆鱼同埋鸡蛋。巴牛肉东，香浓又够嫩，唔会鞋口，班兰包鸡又够香嫩，每样食料少少，好好味！我哋另外加咗两客小食就系脆鱼同埋芝士条，脆鱼系因为食咗什锦饭之后觉得好食，唔够后就决定追加，食落非常脆口，入面嘅鱼肉嫩嫩好味道。芝士条就当然更加邪恶啦，外脆再加埋里面嘅香浓软芝士，小食追加，过下口瘾就岩岩好。饮品方面仲加咗个芒果冰真系非常之香浓，冰凉又清新香甜，正！