有錢佬靚粥 (已結業)

冰凉之选🌬🌬🌬最近持续高温，下昼条街热到一个点......行过呢间嘢，见到门口贴住幅相话有冰冻糖水食，幅图里面个卖相又ok，咪试吓啰，毕竟下午茶呢啲钟数，东大街选择比较少，大部分糖水舖都未开门。喺门口挣扎咗一阵，谂好唔好入去食定买外卖呢，因为里面环境比焗束，但最后都系入咗去坐，因为阿姐话堂食系用冰碗。叫咗碗「鲜果凉粉」，个样都ok嘅，又红又黄咁，几夏日feel。水果有新鲜西瓜、火龙果、罐头菠萝同椰果。即系唔系完全「鲜果」😅。味道唔错嘅，啲凉粉质地比一般的烟韧，加上黄糖浆同水果，口感ok。只冰碗果然系画龙点睛，将成碗糖水嘅温度大大降低，加上雪到冻哂嘅水果同凉粉，入口超级冰冻，好爽呀！😋😋😋