泰一 (已結業)

今日好想食泰国嘢！但系人喺筲箕湾又唔想坐车出铜锣湾点知谂住去东大街打个转求其食啲嘢就算~点知我又揾到间新开嘅泰国菜！我最钟意食嘅海鲜炒金边粉，卖相唔只整得靓入面啲海鲜份量都好多有虾有带子！呢个煮得劲好食呢个泰式炒金边粉面上枱都整到好靓睇到厨师系用心煮菜~炒到刚刚好咬落有啲弹性,味道酸酸地好开胃呢个牛油鸡翼我超钟意食，厚厚嘅香脆牛油皮非常松脆加埋炒香咗嘅蒜蓉包住嫩滑嘅鸡翼~呢个明炉大蚬，份量劲大加埋酸酸嘅汤底唔觉唔觉又将佢ko咗最后就叫埋个大虾冬阴公！只虾差唔又有手掌咁长味道唔会过酸辣味十足！好味到忍唔住问老细个厨师系咪泰国人,原来坚用泰国厨师~因为个冬阴功太辣嘅关系就试咗个波萝沙冰！饮落去感觉真系用咗新鲜波萝做咁完全冇用糖水唔会太甜.最后就紧系要食甜品啦！好似大菜榚好爽口最紧要系唔会太甜！（我真系好惊食到啲甜到晕嘅嘢)加埋淡淡嘅椰香味！呢间嘢十分有诚意下次我会再试埋佢啲串烧