等你 _ _ (已結業)

之所以试呢间餐厅其实系为咗杯台式饮品。喺度食嘢+$10就有杯手摇杯饮，优惠几吸引。呢杯热柑桔柠檬绿茶酸酸甜甜好开胃。以$3加咗爱玉，好弹牙，可惜不消一回就被热茶完全溶化...只好经一事长一智~芒果多多特饮即系芒果加益力多。虽然冇睇到佢系咪用鲜芒果，但味道唔假，亦唔会太甜。招宝饭虽然比较贵，但佢杂绵得嚟绝对唔系每样比一啖仔你试味。眼前臭豆腐、卤蛋...完全掩盖白饭，望落十足一碗卤水拼盘。当中猪肠卤得最入味，一半系肥一半系瘦肠，唔知系咪刻意安排，但我觉得咁配搭啱啱好。因为瘦𠮶种比较入味，但肥嘅就比较有咬口，各有各好~蚵仔面线好足料。冇专登去数，但起马食咗5粒蚵仔，仲一啲腥味都冇~见店入面唔少人都系叫一杯饮品就坐低，估唔到香港地仲有呢种消费廿几蚊就可以堂食嘅小店~