撈喜 (已結業)

东大街有好多美食，而呢一间就系喺东大街嘅街头，咁啱又见到门口停到车，就决定食呢间🤔捞喜系一碟新年嘅时候会食嘅菜式，将所有食物切丝，然后将佢地「捞起」，咁就系呢个名嘅来源啦呢间捞喜就无捞喜食嘅，不过就有其他菜式。我地嗌左黑松露四头南非鲍鱼意大利饭、蒜香牛油龙虾黑椒带子阔条面、招牌花胶捞虾籽面同木瓜花胶奶冻黑松露四头南非鲍鱼意大利饭鲍鱼大大只，咬落肉质结实，四头嘅意思啫系一斤有四只咁解。每一啖饭都食到黑松露，饭粒小烟韧有咬口，味道浓得嚟又唔会腻同咸👍🏿蒜香牛油龙虾黑椒带子阔条面龙虾同带子都系重蒜蓉味嘅🤤 不过咁样可能会遮咗肉嘅鲜味～ 阔条面个汁有黑椒，唔系白汁忌廉汁个啲，但好味！招牌花胶捞虾籽面呢个系午餐嚟，会送碟油菜，油菜几新鲜，唔会煮到老哂。花胶俾得好大旧，口感爽口，另外配咗冬菇同啲西兰花。啲汁几好，份量够捞落每一啖面，但又唔会过咸木瓜花胶奶冻奶冻个味好正，真系好似饮紧鲜奶，唔会似其他舖头落鱼胶粉多。𥚃面都有两三旧大花胶，木瓜鲜甜，仲有啲红枣😋服务员会主动帮我地斟水同问我地有咩需要，而且几好笑容。食紧途中都不断有客人，相信都几好生意～