華香雞 (已結業)

记得多年前好多旺区都见华香鸡这个招牌，后来销声匿迹。今日见到荃湾一个偏僻地方出现这招牌，入内见到张贴杂志啲访问得知当年华香鸡结业后几年前在荃湾海滨花园重开。餐牌选择唔算多，大部分已贴在墙上方便睇。有餐汤或热饮送，当日餐汤为清补凉鸡脚汤。挂住饮唔记得影相。个汤几好，有只鸡脚无味精见食评大部分人都食华香鸡，我反其道而行，叫了豉汁白鳝同榄菜蚝仔。每个𩠌配唔同饭就唔同价钱。我拣了配最贵的煎黄饭。豉汁白鳝煎黄饭($68)上菜时系用一个木盘盛着热热金属盘几特别。白鳝新鲜，薄切有6件，味道配上大量洋葱同葱非常香，啱晒洋葱控同葱控黄饭面有大块炒蛋，正。黄饭即系黄姜饭，有好黄姜香味，加上黄姜饭对身体有益特别食得安心开心。黄饭份量十足，而且下面有饭焦，脆脆的饭焦榄菜蚝仔煎黄饭($68)蚝仔同样新鲜好味，虽然两款都唔系哩到招牌菜，但都几好，下次会试吓招牌菜 - 华香鸡。