影片
更多
2021-04-07
1139 浏览
星期五放工约咗朋友食晚饭聚下，今晚又系去观塘揾食，但唔系去工厦，而系去东广场。我一向对呢个商场嘅印象都系充满各式各样嘅小店🥡，但呢度最近竟然开咗一间与别不同嘅餐厅「Comfy by Chef's Stage」。餐厅嘅装修格调行日系小清新风，采用木系家私简约不失气派，而且我仲好欣赏呢度环境宽敞，枱同枱之间有足够空间，唔会过份逼夹👍。呢度用QR code落单，不过都有提供实体餐牌比客人睇。餐厅提供嘅菜式大部份均以健康食物Superfood为主🥦，当中更有唔少素食及纯素素食款式。另外，饮品选择亦系非常丰富，令人眼花撩乱。吉列新猪肉扒 Omni Schnitzel($148)，新猪肉系近年大热雾起嘅食材，🐷但吉列嘅整法我都系第一次食。吉列新猪扒超大件，大过我块面！吉列炸皮沾满面包糠，口感脆脆的但又唔觉热气或油腻。至于「猪扒」味道都OK，口感较为松散，我会觉得佢似「鱼柳」多啲，特别系沾埋他他酱后，哈哈😄。伴菜有炸薯条同酸椰菜丝，份量亦系超多的，食哂真系饱到一个点。牛油果蟹肉炒蛋白酸种面包 Avocado & Crab Scrambled Egg Whites Sourdough Toast ($
星期五放工约咗朋友食晚饭聚下，今晚又系去观塘揾食，但唔系去工厦，而系去东广场。我一向对呢个商场嘅印象都系充满各式各样嘅小店🥡，但呢度最近竟然开咗一间与别不同嘅餐厅「Comfy by Chef's Stage」。
餐厅嘅装修格调行日系小清新风，采用木系家私简约不失气派，而且我仲好欣赏呢度环境宽敞，枱同枱之间有足够空间，唔会过份逼夹👍。
呢度用QR code落单，不过都有提供实体餐牌比客人睇。餐厅提供嘅菜式大部份均以健康食物Superfood为主🥦，当中更有唔少素食及纯素素食款式。另外，饮品选择亦系非常丰富，令人眼花撩乱。
吉列新猪肉扒
$148
37 浏览
0 赞好
0 留言
吉列新猪肉扒 Omni Schnitzel($148)，新猪肉系近年大热雾起嘅食材，🐷但吉列嘅整法我都系第一次食。吉列新猪扒超大件，大过我块面！吉列炸皮沾满面包糠，口感脆脆的但又唔觉热气或油腻。至于「猪扒」味道都OK，口感较为松散，我会觉得佢似「鱼柳」多啲，特别系沾埋他他酱后，哈哈😄。伴菜有炸薯条同酸椰菜丝，份量亦系超多的，食哂真系饱到一个点。
牛油果蟹肉炒蛋白酸种面包
$108
34 浏览
0 赞好
0 留言
牛油果蟹肉炒蛋白酸种面包 Avocado & Crab Scrambled Egg Whites Sourdough Toast ($108)，估唔到呢份多士都系巨无霸嚟🥖，一块多士嘅大小同我手掌差唔多。面包底经烤烘后㶶边微脆，但中间位置就保持烟韧，整体亦唔会过硬。多士上面先系炒蛋白🍳，其后就系一层厚厚嘅拆蟹肉丝，🦀蟹肉鲜甜，真材实料，淡淡嘅调味已经好食。最后再嚟一块牛油果，成个组合好夹，无得输。
烟鸡胸罗勒青酱长通粉沙律 Smoked Chicken Pesto Penne Pasta Salad ($88)，绿色，全部都系绿色食物💚，望落都觉得健康。食材除咗有菜名所述嘅鸡胸同长通粉外，仲有大量蔬菜，例如翠玉瓜、椰菜花、羽衣甘蓝、粟米粒、车厘茄同洋葱丝等，另外仲有芝士同合桃，未能一一尽录。成个沙律份量好多，不过长通粉就变成茄喱啡，青酱Pesto捞得好均匀，味道好浓，但钟唔钟意就见人见智啦。
接骨木花奇异果菠萝梳打
$42
20 浏览
0 赞好
0 留言
总括嚟讲，餐厅各方面都令人满意，绝对系观塘区内难得嘅清泉，佢改变咗我嘅睇法，就系健康食物都可以系好滋味😋。店员服务到位，效率好高，餐厅内设有一个自助区域，客人可以自取餐具同调味料，亦可斟水饮，所以唔嗌饮品都无问题哦～。
张贴
