影片
更多
2024-08-25
402 浏览
Happy Friday约左朋友食饭，我地去咗东广场见到面屋常胜嘅餐单唔错，仲有游戏机玩，系细个会玩嘅拳王，真系回忆返晒黎，吸引左我地去试。两个人拣咗一个鸡白汤叉烧拉面，一个吉列虾叉烧浓虾汤拉面，另外仲叫左蟹肉忌廉薯饼同芝麻手羽。先讲鸡白汤拉面，汤底浓郁唔油腻，每啖汤都有浓浓嘅鸡味，面底弹牙爽口，一路浸住汤食都唔会变腍。叉烧肉质嫩滑有咬口，煮得唔错。拉面送嘅糖心蛋，熟到适中，一咬落去全部都系蛋黄😍之后系吉列虾叉烧浓虾汤拉面，一望落去橙红色汤底，就知道呢个汤系用咗好多虾去熬制，饮落去，成个口都系虾味，同样都系唔油腻，饮吓饮吓差啲饮晒成个汤🙈另外再加埋个明太子，可以讲升华左成个面，味道好夹，海鲜味浓厚。吉列虾嚟到嘅时候都系热辣辣，金黄松脆，令人忍唔住即刻想食，虾肉冇太多雪味，相信烹调嘅时候有落足心机。两款拉面嘅汤底都鲜味十足，完全食唔出有味精。之后讲吓小食，薯饼都系色泽金黄色，外脆内软，一咬落去个薯饼，d蟹肉忌廉爆出嚟，同埋佢个蟹肉都算多，食落都食得出有蟹肉，冇话揸流摊。鸡翼外皮金黄松脆，一咬落去鸡肉嫩滑，同埋调味做得好，唔会有雪味又会够晒惹味。埋单都系每人百零蚊性价比非常之高，会再番黎帮
两个人拣咗一个鸡白汤叉烧拉面，一个吉列虾叉烧浓虾汤拉面，另外仲叫左蟹肉忌廉薯饼同芝麻手羽。
先讲鸡白汤拉面，汤底浓郁唔油腻，每啖汤都有浓浓嘅鸡味，面底弹牙爽口，一路浸住汤食都唔会变腍。叉烧肉质嫩滑有咬口，煮得唔错。拉面送嘅糖心蛋，熟到适中，一咬落去全部都系蛋黄😍
之后系吉列虾叉烧浓虾汤拉面，一望落去橙红色汤底，就知道呢个汤系用咗好多虾去熬制，饮落去，成个口都系虾味，同样都系唔油腻，饮吓饮吓差啲饮晒成个汤🙈另外再加埋个明太子，可以讲升华左成个面，味道好夹，海鲜味浓厚。吉列虾嚟到嘅时候都系热辣辣，金黄松脆，令人忍唔住即刻想食，虾肉冇太多雪味，相信烹调嘅时候有落足心机。
两款拉面嘅汤底都鲜味十足，完全食唔出有味精。
之后讲吓小食，薯饼都系色泽金黄色，外脆内软，一咬落去个薯饼，d蟹肉忌廉爆出嚟，同埋佢个蟹肉都算多，食落都食得出有蟹肉，冇话揸流摊。
鸡翼外皮金黄松脆，一咬落去鸡肉嫩滑，同埋调味做得好，唔会有雪味又会够晒惹味。
埋单都系每人百零蚊性价比非常之高，会再番黎帮衬，支持用心制作嘅小店～
张贴
