東海堂 (已結業)

大概一个星期前系东海堂订左个蛋糕庆祝生日，主角系小朋友，所以拣左呢架汽车造型蛋糕。同游之乐 一磅 $269同游之乐系以鲜芒果及草莓装饰，内为海绵蛋糕与芒果慕丝。造型方面就几出色，汽车造型都唔错，原本以为用朱古力造，点知原来大部分都系慕丝。味道方面，海绵蛋糕底上面有忌廉夹芒果肉，外面有好多厚厚芒果慕丝，慕丝唔太甜，不过芒果味道唔浓。味道中等水准，不过唔会腻。外面有少少jelly装饰，味道可以。朱古力质素就颇差。鲜果装饰有新鲜奇异果，酸酸地既士多啤梨，蓝莓，同芒果片。加10蚊要左块朱古力牌。总括而言，呢个蛋糕造型唔错，虽然收货时候已经有瑕疵，味道就中等。尖沙咀得一间分店，系港铁闸口入面，唔方便。