東海堂 (荃灣千色匯I)

营业中

休息中

东海堂冷藏西饼、蛋糕向来有一定质素，但预先包装嘅，包括蛋糕都麻麻，今次佢牛油曲奇特价，因为过年时食过牛乳蛋白卷做得唔错，系牛乳味太重，无咗蛋味唔适合我，但整体都唔错。而东海堂工场分工向来明确，入去分咗你做依样你就日日都做过样，无第二款做，曲奇同蛋卷应该同科，所以都有啲期待。包装有种奇怪感觉…唔多讲，一包8粒，比预期细，每粒都完整，咬落松脆，但味道怪怪，植物牛油？奶精？一堆唔自然嘅味道出哂嚟，之前食蛋卷都系比重问题，而今次系原料完全唔掂！当然如果你食得曲奇又要骗自己追求健康，依只帮到你。首先食完只手唔油，甜度适中，植物牛油其实不饱和脂肪多之余反式脂肪都多，但总有人觉得比真牛油好，奶精系化学合成，要唛有唛，所以甜度同脂肪量依啲都有得减，问心的确比外国出嘅低脂曲奇好食。本来见蛋糕卷做特价，有只柠檬蛋糕想下次试，但宜家好有保留。