六小館

原来东涌东荟城以前戏院个位已经变咗另一个商场，好多不同餐厅、店舖进驻，今日试左呢间「六小馆」，觉得唔错👍🏻中午时段，都好旺场，几乎全场爆满，嗱嗱声睇下有乜嘢好食先！小梨子🍐咸水角$38，造型精致可爱，成个都食得架，上面系一小段百力支，热辣辣，外型真系满分，而且入口味道都唔错👍🏻一盅六件$88，有三款点心，叉烧包、粉果、虾饺，一次过可以享受三款精美点心，满足晒三个愿望，两个人分就最好😍六小馆灌汤饺$58，汤底好清甜，有竹笙，我哋只系叫左一盅，已经够两人分享😬烧味拼盘$128，我哋拣咗烧肉和烧鹅，特别要提下烧肉皮非常脆，而且肉嫩多汁，暖暖地，另外烧鹅肉厚皮香，非常Juice，正👍🏻烩鲍鱼仔饭$68，用嚟送呢个鲍鱼仔饭，就真系非常完美，饭底吸收左鲍鱼汁嘅精华，甘香而不涸，虽然鲍鱼唔算好大只，不过整个配搭都好match，值得推荐😋窝夫$88，香蕉🍌味，又有雪糕，睇到都开心😍C袜奶冻$68，估唔到呢度仲有咁精致嘅甜品，模仿到好似小巴路名牌咁，左边系牛油多士，另外𠮶边唔系真系奶茶嚟㗎，原来系奶茶味嘅奶冻，有啲感觉系街边大排档等紧小巴叹番杯奶茶咁，好得意😎下次过嚟东涌呢边，大家都可以考虑你呢个新商场