The Upper Deck (裝修中)

东涌湾景荟的餐厅基本上好多都装修得好靓又有海景，这间The Upper Deck也不例外，店内放咗一张桌球枱好特别，贯彻西方人比较chill的玩味风格，一排窗边位，同朋友／另一半，饮住啤酒🍻食住小食，望住个海，感觉好Relax. 食物方面叫咗King Prawn Linguine虎虾扁意粉，虎虾烤过香口，肉质有弹性，酱汁系慢煮蕃茄海鲜浓汤，香浓意粉挂汁，茄味十足，不会过酸，好开胃，意粉弹牙有嚼劲.Cajun Smoked Short Ribs香料烟熏牛排骨，这个虽然叫牛排骨，但系厨师细心起晒啲骨，等客人可以真正食到‘啖啖肉’，牛肋骨经48小时慢煮，肉质做到好淋身，加埋少少酸甜的酱非常入味，薯条外脆内软，面层洒上少少辣味粉，非常惹味，力推这个牛排骨😋，服务各样整体来讲不错，值得支持.