影片
更多
2023-05-27
627 浏览
自己一个颓颓哋嚟东涌揾食，唔想去东荟城贵餐厅所以走咗去富东邨街市街市入边有卖外卖嘅档：韩国菜、港式小食、包点等，可惜冇堂食位，所以最后去咗附近啲餐厅因为唔想食连锁店，所以去咗呢间～餐牌选择超多，丼饭、乌冬、拉面、关东煮都有！全部$50左右▶️ 和风牛肉拼烧鸡饭 ($49)见系「招牌」，加上张相好吸引，当然试吓实物同张相一样咁大份丰富🤩份量惊人，成个盒装满饭，略略估计有三碗，足够两个人分面头放上一排鸡扒、蔬菜、牛肉，十分整齐靓仔牛肉薄切，似吉X家𠮶啲，只系冇咁多肥肉同筋，材料靓好多🐂质感唔韧唔难咬，唯一系腌得比较咸🤏🏻好彩有饮品同𩠌白饭食伴随嘅洋葱炒至金黄软身焦糖化🧅甜甜地好正鸡扒用上脾肉，烹调到粉粉地色，肉质鲜嫩多汁🐓充满油脂而唔肥外皮煎到香脆，有啲似串烧烤鸡肉或印度烤鸡调味酱汁唔多而够味，所以冇盖过鸡肉鲜味，证明唔系雪藏肉(可能直头喺隔离街市买😂)中间有西兰花椰菜花隔开两边🥦应该系烚嘅，冇乜调味，非常健康白饭唔怕冇味，一边索晒牛肉啲和风汁，另一边索咗鸡油，变相一个饭可以品尝到两个口味😋抵呀～(食到一半影嘅，原谅有啲核突🙈)米饭用上日本珍珠米，食落粒粒饱满，唔会一嚿嚿，唔系隔夜饭，软硬度
街市入边有卖外卖嘅档：韩国菜、港式小食、包点等，可惜冇堂食位，所以最后去咗附近啲餐厅
因为唔想食连锁店，所以去咗呢间～
餐牌选择超多，丼饭、乌冬、拉面、关东煮都有！全部$50左右
▶️ 和风牛肉拼烧鸡饭 ($49)
见系「招牌」，加上张相好吸引，当然试吓
实物同张相一样咁大份丰富🤩
份量惊人，成个盒装满饭，略略估计有三碗，足够两个人分
面头放上一排鸡扒、蔬菜、牛肉，十分整齐靓仔
和风牛肉拼烧鸡饭
$49
46 浏览
0 赞好
0 留言
牛肉薄切，似吉X家𠮶啲，只系冇咁多肥肉同筋，材料靓好多🐂质感唔韧唔难咬，唯一系腌得比较咸🤏🏻好彩有饮品同𩠌白饭食
伴随嘅洋葱炒至金黄软身焦糖化🧅甜甜地好正
鸡扒用上脾肉，烹调到粉粉地色，肉质鲜嫩多汁🐓充满油脂而唔肥
外皮煎到香脆，有啲似串烧烤鸡肉或印度烤鸡
调味酱汁唔多而够味，所以冇盖过鸡肉鲜味，证明唔系雪藏肉(可能直头喺隔离街市买😂)
中间有西兰花椰菜花隔开两边🥦应该系烚嘅，冇乜调味，非常健康
白饭唔怕冇味，一边索晒牛肉啲和风汁，另一边索咗鸡油，变相一个饭可以品尝到两个口味😋抵呀～
(食到一半影嘅，原谅有啲核突🙈)
米饭用上日本珍珠米，食落粒粒饱满，唔会一嚿嚿，唔系隔夜饭，软硬度适中唔会俾酱汁搞到过湿
食完真系又饱又满足！食净几啖饭，食晒所有肉已经觉得自己好劲👍🏻
▶️ 冻柠茶 (+$4)
正常柠茶味道，一开始觉得好甜，但系一边食个饭一边饮就觉得好爽🥤甜甜地可以中和返咸味
-
对佢有呢个质素感到非常惊喜🤯高质过日式连锁店Suk___ya ／Yoshi__ya
晏昼嚟到好多人买外卖，亦有好多电话落单order，多为富东邨居民熟客
店舖好细，只能容纳七位食客，所以我快快脆食完就走人，但都几钟意佢啲位全部独立位，一个人食都唔尴尬🙈
服务OK，姨姨非常勤力，见佢又接电话又落单又出餐，但对我几nice，我临走𠮶阵顺手还返个盘俾佢，佢都有唔该我☺️
唯一系都要等一阵先上餐，因为每个餐都系即叫即整，所以送到上枱先暖笠笠♨️
亦可能因为人手不足问题，即使堂食都要用发泡胶盒同即弃餐具，有啲浪费同唔环保♻️，但都理解
CP爆值！$50食到一个咁巨型足料嘅饭再包饮品真系抵到烂(个人觉得饭抵食过乌冬/拉面)
呢间真系隐世高质平民小店 (虽然OpenRice有劣评，不过都已经几年前，所以可能佢改善咗？)个人觉得佢好underrated，好值得支持吓😙
张贴
