正記川粵菜館

营业中

休息中

难得好日唔入东涌，横掂做完 Workshop 后系逸东邨，于是从逸东街方探听有甚么经济实惠，兼不是大型连锁店食肆进行午膳，于是个街坊就介绍左逸东邨附近，村屋形式经营的正记俾我地。唔好睇佢外面好似唔多靓仔就唔掂，入到去后先发觉都几干净，重要一坐低就送上老火例汤，呢种咁街方式服务，真系好耐未试过。正记可能做街方生意多，价钱都几经济实惠，有汤有碟头饭同饮品，冻饮重要唔洗加钱，真系正到无朋友，今时今日香港重有呢类良心舖头，真系买小见小。讲返食物，热死辣辣真系唔食得多野，于是点了香口既金莎茄子，湿湿地又无肉既茄蛋颓饭，再加上朋友食饭当日要守斋期，点了罗汉斋炒米。开头点野食既时候无谂过好大碟，点知送左上黎后就先知道大碟到无朋友，真系抵到烂。食物质素方面，可能三样食物都系「炒」，食落时都几香口同好够镬气。金莎茄子原以为好似鱼香茄子咁炸左佢，上𩠌后先知系横切再点咸蛋黄炸，食落口时啖啖咸蛋黄味，好腻；真系一件起两件止。至于茄蛋饭同罗汉斋炒米几足料下，绝无呃秤成份。下次有机会再入东涌逸东，会同朋友再黎呢到食多D新野和试其他食物，因为真系好经济实惠，而且正记食物同服务都好有成意，值得再去帮衬。