六小館

今日有朋友移民英国😭，将会有一段时间未能见面。到机场送别后，机场餐厅几乎绝迹，唯有去东涌东荟城医肚。🤔东荟城名店仓中菜不多，行到戏院附近，有一间装修前卫嘅中菜，主要食新派菜。座位阔落，坐得舒服。🟠叫左两个小食：味噌日本南瓜$108，第一次品尝以味噌煮南瓜，甜中带香，连皮食入口粉嫩，应觉健康。青笋拌小云耳$78，黑醋淹渍窝笋及小云耳，味道酸酸甜甜好开胃，窝笋清爽脆口，必食前菜。🟠主菜点左非常重口味嘅水煮鲜牛杂$228，听到鲜牛杂立即feel 到呢个煮法唔简单，通常急冻货先要用重调味。估唔到呢个主菜，牛腩同牛杂燘煮入味又软淋，仍然食到牛肉鲜味，而且份量唔少。窝底有大量宽粉，足够两至四人食量。🟠最后以一个鲜虾炒新竹米粉作结，米粉用左大量爽口新鲜虾仁，新竹米粉炒得干身爽口，清淡中带鲜味。平实外表，内涵丰富。