Wheatfield X 羅宋湯專門店 (東薈城) (已結業)

A姐话想去shopping，所以我哋就揸车去东涌嘅东荟城行outlet啦！不过，A姐最终竟然咩都无买到，只系好难得咁买咗几件卫衣送俾我，唔通佢做错事？哈哈！点都好啦，行完街就系医肚嘅时候，今日我哋就拣咗Wheatfield X 罗宋汤专门店。厨师推介套餐：海派牛腩罗宋汤罗宋汤可以拣牛腩或猪骨，但我哋都觉得罗宋汤系配牛先最夹。热辣辣嘅罗宋汤，酸酸辣辣，相当开胃，而牛腩都有成四旧，够软腍。罗宋汤嘅汤底好浓郁，而且劲多料，够晒原汁原味呀！厨师推介套餐：香煎猪扒脆猪仔包猪仔包大大个，一啖咬落去真系有啲难度，而猪仔包超脆口，抵赞！猪扒腌得好入味，嫩滑又易咬，加上新鲜蕃茄同生菜，够晒juicy。全日自选汤面套餐：海派牛腩罗宋汤螺丝粉同样地，罗宋汤可以拣牛腩或猪骨，而面底有多个选择，但我哋觉得螺丝粉同罗宋汤系最夹。不过，由于加入咗螺丝粉，所以汤底无厨师推介套餐嘅海派牛腩罗宋汤咁浓郁。另外，螺丝粉粉量够晒多，男孩子都会够饱。全日自选汤面套餐：香煎猪扒至于套餐嘅小食就拣咗香煎猪扒，猪扒够入味同juicy，仲细心帮你切件上，食落够晒方便。（记住Like同Share畀朋友）