Ocio (東港城) (已結業)

同朋友gathering食完high-tea一阵子, 转场去食甜品, 知道东港城有间叫Ocio西餐厅有唔少甜品款式供应 (之前系荷里活广场分店食过, 印象唔错) 于是带朋友去试试。餐厅六点未见人流, 可以顺理安排入座。晚市除供应Dinner set, 甜品占多, 包括有窝夫、热香饼法式吐司、心太软，tiramisu 、刨冰等等…令人花多眼乱。【蜂蜜雪山热香饼】HK$78两件热香饼叠住躺下躺下上台, 尽显松软度, 面层放上了一小口蜂蜜, 甜度十足。热香饼微暖松软, 散发好淡好轻盈嘅蛋香, 配上了蜂糖浆同埋朱古力雪糕球自行沾点。【奥斯蜜瓜雪山热香饼】HK$108半个蜜瓜已去核, 轻易就刮出蜜瓜果肉, 蜜瓜超清甜多汁, 中心藏有蜜瓜果冻, 面层放上一层热香饼同埋一球朱古力雪糕球, 雪糕表面还黏上了脆脆星星饼, 卖相既精美又有份量。【绿茶红豆麻糬窝夫】HK$78窝夫即焗有点温度上台, 外层微脆内颇为软熟, 带有些少白色软糯嘅麻糬, 整件窝夫都充满浓郁绿茶味, 味道清香回甘, 配有朱古力雪糕球同埋绵密红豆, 平衡一下口中嘅回甘。