勝八鉄板串料理 (已結業)

小弟刚在北海道旅游一个星期, 对日本美食念念不忘, 所以今晚都特意挑选日本餐厅, 满足自己对日本嘅眷恋之情。同朋友各自叫左一个套餐, 当中包含嘅食物非常之多。系一杯清甜嘅提子蔬打清清味蕾后, 就展开今晚美食之旅。先有一客意大利黑醋沙津及刺身三点。前者用料虽然简单, 但食材新鲜最为重要, 沙津菜、车厘茄加沙津酱味道酸酸甜甜, 令人胃口大开。而刺身当然鲜甜爽口, 厚切嘅刺身, 鱼香味浓而肥美肉厚, 绝对有日本餐厅嘅水准。接著落黎嘅系鹅肝多士及一客日本带子。鹅肝煎得金黄香脆, 内里滑溜非常, 有半流心嘅感觉, 跟同样香脆嘅多士一同出食, 简直系一大享受。烧日本带子同样出色, 经汁煮后及香葱调味后, 味道提升一个层次, 为本身肉质结实嘅带子更为吸引!日式烧银鳕鱼及美国厚烧牛肉同样展露大厨嘅功架。前者嘅鱼皮经香煎后, 又薄又脆, 而鱼肉又唔会煎得过火, 保留到鱼肉本身滑溜嘅质地; 而美国厚烧牛肉, 烧至大约五成熟, 中间位置呈点粉嫩红色, 卖相极为吸引。而牛味香浓, 肉质嫩口, 非常好食!身为爱肉之人, 除左食牛之外, 同样叫左个日式烧羊肉。羊肉嘅选材非常之好, 肉嫩而并没有任何羊膻味, 系适量