Aurora Fusion Restaurant (已結業)

疫情下都少左同朋友出去食晚饭 今日就约咗闺蜜去尖沙咀 去左亚士厘道𠮶边觅食同闺蜜行行下见到一间有outdoor 位既餐厅 开头以为系酒吧黎 原来系一间西日fusion restaurant & bar 见环境都几舒服就入去试下 打开本menu都几多选择 日式系列有寿司同刺身 望到都几正 但系天气冻咗我地又想食热嘢多d 所以最后叫咗烩蕃茄杂菜扁意粉同埋伊比利亚黑豚猪鞍架 再加多一个冷盘冻肉芝士沙律个沙律最有惊喜 上枱嘅时候系用一个玻璃盖盖住既 职员同我哋讲话啲芝士冻肉系用苹果木烟熏过 然后先再挤落雪柜雪冻开盖嘅时候除左有喷烟既效果 仲有一阵阵苹果木既香气 好可惜无影低到被苹果木烟熏过嘅芝士同埋火腿冻肉 再配埋合桃 同沙律菜真系好夹 第一道菜已经咁好味真系开心跟住再上既系main course伊比利亚黑豚鞍配时令蔬菜佢呢个黑豚鞍比较著重原汁原味 唔需要落咁多味道 只系将烧汁配落去就已经可以食到个猪鞍既肉味 肉质软熟烩蕃茄杂菜扁意粉 个sauce唔会太湿 杂菜+杂菌落埋蒜片 呢个配搭都唔错今次都算冇拣错地方 下次可以再同闺蜜再过嚟饮啤酒 食刺身吹下水