羲和小館 (已結業)

东涌羲和小馆 - 出色既片皮鸭今日去东涌行街经过羲和小馆,谂起我地都好耐冇食片皮鸭。而羲和小馆系唔同地方都有分店, 正正就系间出名食片皮鸭既中菜厅。首先上台嘅系片皮鸭，佢好细致咁分左鸭胸皮、鸭胸肉同鸭腿肉。酥脆嘅鸭皮配上八宝盒,摆到成枱都系,视觉效果满分！食片皮鸭其实最重要系食鸭既皮脆同油香, 而佢整得相当唔错, 有足够油香之余都唔会太腻。令人惊喜嘅系,佢系有三款酱料可选, 包括食开嘅甜面酱、芥末酱,同埋蓝莓酱。我个人觉得芥末酱效果都几夹, 值得试下。之后黎既系石锅海皇野米贵妃泡饭。石锅既浓汤里面有冬瓜同海鲜, 软糯嘅米粒索哂咗汤,食落都几满足。另外上碟既脆米更加增加咗呢个泡饭既口感。食完咁多肉都要食下菜既,最后一道系啫啫A菜煲。呢度煲仔菜都相当唔错, 上菜咋咋声之余个味道都好惹味。呢度既𩠌菜份量适中, 我地两个人食三道菜就岩岩好, 叫多个应该会食唔哂, 佢既片皮鸭绝对黎到系必食, 几乎枱枱都会叫, 其他菜式都有一定水准㖞, 下次如果想再食片皮鸭都可以考虑再黎帮衬。