六小館

今日闲日去左东荟城闲逛，行街前揾野食满足左个肚仔先😋目标想饮茶，睇完水牌就行去六小馆望下。餐厅内环境开扬，有落地大玻璃；座位距离适中，不会有逼陕感；门口员工友善，所以无乜犹豫就行咗入去。🥢🥢大家都知道饮茶梗系想张枱阔落啲，当时餐厅内唔系咁full，我跟同行朋友两位被安排坐系一张四人枱，开心😆座位同餐具望落都干净感觉唔错👍🏻，睇左点心纸一阵就落单，总共叫左5款点心🥣🥣，佢地都有炒粉面饭同小食，不过我地就无叫到。红米鲜虾带子肠粉4.5/5⭐️外层粉红色肠粉皮同普通肠粉皮味道一样，不过都几薄，入边就脆卜卜，口感唔错。蒜蓉虾春卷5/5⭐️外皮炸到好脆，入边又热辣辣，唔会太咸，调味啱啱好，呢个推介。鲜虾菜苗饺 4/5⭐️馅料丰富，都几多虾肉，皮亦唔太厚，几好。六小馆灌汤饺 4/5⭐️上枱用咗个浅嘅碗同图片嘅深盅有分别，觉得用深盅卖相更好。味道黎讲汤头都几清，灌汤饺亦都大只，用料充足而且够热。古法马拉糕 2.5/5⭐️想食蒸包，不过成张Menu都冇，于是嗌咗马拉糕，味道唔太甜，但系唔够松软，冇乜特别，中规中矩。整体服务 4/5⭐️员工有礼貌同attentive ，唔会嗌极都揾唔到人👍🏻