影片
更多
2014-11-24
5556 浏览
继早前同旧同事嚟过观塘汉和食韩烧，因为朋友喜欢四处寻幽觅食，今次就跟朋友再嚟到观塘，一试厂厦里Café小店嘅欧陆美馔。每次再走进工厂区，已然睇到好大嘅变化。就好似今晚所到嘅Kowloon East Kitchen，位处一幢旧厂厦，仲喺拉闸式升降机，而该厂厦对面就已经有幢新簇得紧要嘅新商厦，双映成趣，见证工厂区嘅转变。成层楼都喺灰灰黑黑嘅大钢闸，餐厅门面以白红黑对衬，简洁、醒目、抢眼。而走进室内，环境、气氛完全睇唔出佢喺身处厂厦之内，同样，一室都以白红黑为配衬色调，铺水泥地，少少挂画，简约不造作。对街一边都安装大扇玻璃窗，相信日间嚟都会采光十足，虽话小店，其实地方很大呢！除咗室内，更设有户外区，就喺厂厦一个小平台，阔落通爽。不过，始终位处工厂区，景观自然欠奉，此外，户外区只喺简单得摆几张木枱木櫈，暂时未见有花太多心思，否则，晌秋凉时节，户外用餐感觉会好不一样。除咗一纸餐牌，印备餐汤、沙律、自家制意粉、头盘、主菜、配菜之外，近门口更有个是日精选，罗列当日时令或优质食材，做法可问问店员，好值得留意一下。此外，餐厅唔收加一，而服务够专业到位，上菜速度啱啱好，唔会一次过堆晒晌枱度，每道菜上枱时有
成层楼都喺灰灰黑黑嘅大钢闸，餐厅门面以白红黑对衬，简洁、醒目、抢眼。而走进室内，环境、气氛完全睇唔出佢喺身处厂厦之内，同样，一室都以白红黑为配衬色调，铺水泥地，少少挂画，简约不造作。对街一边都安装大扇玻璃窗，相信日间嚟都会采光十足，虽话小店，其实地方很大呢！
除咗室内，更设有户外区，就喺厂厦一个小平台，阔落通爽。不过，始终位处工厂区，景观自然欠奉，此外，户外区只喺简单得摆几张木枱木櫈，暂时未见有花太多心思，否则，晌秋凉时节，户外用餐感觉会好不一样。
除咗一纸餐牌，印备餐汤、沙律、自家制意粉、头盘、主菜、配菜之外，近门口更有个是日精选，罗列当日时令或优质食材，做法可问问店员，好值得留意一下。此外，餐厅唔收加一，而服务够专业到位，上菜速度啱啱好，唔会一次过堆晒晌枱度，每道菜上枱时有简单讲解，店员对菜式亦有一定嘅理解，值得一赞。
面包篮先嚟喺一大兜百吉包，即喺普普通通嘅法包，配黑醋及橄榄油，感觉实在普通咗啲，跟一阵食到嘅菜式有啲级数上嘅差别，觉得以佢哋做菜嘅质素，无理由就咁切啲法包出嚟就算架！
甘笋姜汤 $30汤类无咩选择，只喺要同唔要，因为只得一款是日餐汤。今晚个汤甘笋姜汤，都算比较特别，较为少饮，鲜橙色嘅甘笋汤，质滑细致，姜味超突出，内里仲有少少姜丝，可惜嘅喺甘笋味被比下去，个人觉得要减低姜味以作平衡。每一碗份量颇多，不妨一碗两份饮就仲好。
红菜头沙律配羊奶芝士 $70沙律类嘅选择亦唔太多，只有3款，以红菜头感觉最高纤有益兼补血。由于羊奶芝士一向都偏咸，所以，夹杂沙律菜或红菜头一齐食会好啲，再配上油醋汁，清爽味美；当然，加埋烤烘过嘅蜜糖合桃，口感立时变得唔单调。
鲜蕃茄酱意大利烟肉煮蛏子 $150几有惊喜嘅一道蕃茄煮蛏子，一客有12只蛏子，以井形一层叠一层排列，蛏子爽弹得嚟有咬口，除沾满醒胃鲜活嘅鲜蕃茄酱外，茄酱内仲有粒粒意大利烟肉粒，烟肉粒又一啲都唔肥，整个酱汁唔太酸，又带点辣，兼有唔少罗勒香，味道复杂有层次，正！
什菌阔条面配芝士忌廉汁 $90自家制意粉又喺另一值得一尝嘅类别，意粉基本分为4款：蕃茄酱、芝士忌廉汁香蒜榄油及香草酱，而每款可选择净食或加配鸡肉、意大利烟肉、什菌或虾肉。因为稍后都有几道肉类菜式，所以，就选择配什菌，衬番个芝士忌廉汁。
阔条面质感柔韧，尤其阔条面就更加有咬口，芝士忌廉汁虽然汁底杰身，但不失香滑，而且，加入唔少加什菌，如蘑菇、冬菇，好足香菌味。我哋几个都一致对依个阔条面赞好！
香煎谷饲猪扒配蜜糖芥茉汁 $170是日精选嘅其中一款优质食材就喺谷饲猪扒，黑板写住U.S.D.A Pork Chop，店员解释即喺指经过美国农业部嘅认证。一向食猪都喺要全熟，突然被问到要几多成，真喺唔识反应，原喺依只猪扒有机又优质，可以唔晒煮到全熟，故此，我哋拣咗七分熟。外表烤得金黄而光泽，一刀切下，猪扒肉好粉嫩，外层几香脆，不过，又无想像中咁柔嫩，但就好有肉汁；伴以蜜糖芥茉汁，芥味好轻，托起少少猪扒香味，顺带一提喺上依道菜时，特别换上扒刀，服务上嘅细节位无马虎。
黄金烤鸡 $125再嚟一道烤鸡，同样烤焗手势好，所以，烤得金黄，皮脆肉滑；更附有香草汁，味道颇特别，充满露斯玛莉香味，而且，伴有油醋沙律菜，唔怕食烤鸡而觉得肥腻啦。
忌廉菠菜 $30配菜类有香蒜薯蓉、忌廉菠菜及炸薯条，因为好几款主菜都肉多菜少，所以，要个忌廉菠菜将配菜变为一道「小菜」，啲菠菜煮得好绵，然而，忌廉味唔太重。
餐厅提供嘅饮品中，有几款非酒精特饮都几特别，好似Cream Soda Float、Cucumber Giner、Raseberry Cooler……等等，咖啡及茶类亦有唔少选择。
Cream Soda Float $35好多人都知黑牛就喺可乐加朱古力雪糕，其实以前嘅冰室仲有一款叫金牛，就喺忌廉加芒果雪糕。不过，Cream Soda Float则只不过喺忌廉加云呢拿雪糕球，但已经引起不少回忆。味道如何？友人话喺滑溜版嘅忌廉汽水，口感好有趣，味道又无想像中咁甜。
Raseberry Cooler $30本来喺红桑莓糖浆、蜜糖、鲜柠汁及姜啤嘅组合，不过，店员话今晚啱啱无姜啤，用咗雪碧代替，估计都喺若有所欠。第一眼望埋去，差点以为冻柠茶，味道据朋友描述，甜甜酸酸咁，无话太好，亦唔算得差。
Latte $30因为跟手就喺叹甜品嘅时间，所以，我都喺拣杯鲜奶咖啡。虽然拉花唔完美，但几醇香，奶泡亦够丰厚，仲配搭一件朱古力曲奇添。
香蕉核桃蛋糕 $30喺餐牌上嘅基本甜品之一，香蕉味超浓郁，蛋糕口感湿润，内有细碎合桃仁，配上新鲜忌廉，好似「牛油」咁搽晌蛋糕上，效果出奇嘅好。
柠檬芝士饼 $45店家不时推出啲「是日精选」甜品，今日就出咗两款：柠檬芝士饼及黑朱古力班尼士。纯睇外表，件柠檬芝士饼唔算做得好出色，消化饼底厚薄不均，芝士浆倒得唔圆滑，但整体卖相还令人感觉清爽。饼底有啲沙糖粒感，原来喺加咗少少沙糖再稍微烘焗嘅效果，而芝士打得颇为滑身，内有丝丝柠檬丝，只喺芝士味较轻盈。
黑朱古力班尼士 $45一般嘅班尼士本身都好浓郁朱古力味，但以黑朱古力嚟做，香浓依然，但味道少甜，以及多一份醇甘味；此外，蛋糕内无加入合桃，质感上亦干咗啲，个人觉得算唔上班尼士，只可以叫佢喺朱古力蛋糕；云呢拿雪糕球采用Milk Top北海道自家制雪糕，见到粒粒云呢拿籽，真材实料，不过，雪糕有啲冰感，又唔算幼滑，影响口感。
晌香港，好多楼上铺、厂厦食店，都属于卧虎藏龙，好有心做菜，今晚嚟到依个东九厨房，好味唔在讲，值得再嚟东闯。张贴
