順興行 (已搬遷) 新店位置

係上環找尋落腳地時,竟然搵到早晨麵包同呢間蛋行,真係得來全不費工夫;由於夜晚有約會,麵包都係留番下次再黎買,但蛋蛋就無所謂。店舖無甚裝修,只見好多蛋盒在內同一個婆婆坐陣!睇過OR知道呢度買野要眼看手勿動,所以都係唔好手多多。同婆婆買十蚊皮蛋,婆婆用個蛋盒執左四隻俾我,快靚正!!皮蛋打開有一陣獨有香味,蛋面有朵朵松花,好靚靚!!蛋白部份似jelly,界開之後,完全溏心皮蛋!!大人話好好吃,同佢細時所食既味道完全一樣,加埋其珍藏酸薑、蕎頭,已經係超正開胃前菜。今次知道地址,下次再黎上環會大手入貨,希望有朝一日係大手入股票而唔係皮蛋,嘿嘿!!!