餃掂手工餃子雲吞專門店

今日放工经过呢间专门食饺子嘅餐厅，Menu好多选择，饺子卖相唔错，而且价钱都几亲民，就决定晚饭系到解决喇。《龙凤松茸双煎饺》入面有黑松露同白松露，饺子皮煎到金黄色，咬落香脆又带点烟韧，皮薄馅多，每只都胀卜卜。松茸味道好浓郁，真心有惊喜，如果平时钟意食黑松露嘅话，一定要试。《香煎软心芝士饺》作为芝士控既我，见到有芝士嘅饺子，梗系要试吓。入面有半溶芝士，猪肉馅同埋爽口嘅粟米，食落味道又出奇地夹。《麻辣松花皮蛋》皮蛋入面系溏心，口感非常好，点埋麻辣汁一齐食好惹味。《凉拌唐芹拌豆筋》味道酸酸地，愈食越开胃，作为餐前小食就啱晒。《蜂蜜柠檬薏米水》 & 《豆浆》饮品方面好推荐佢哋嘅蜂蜜柠檬薏米水，饮落好清凉滋润，又唔会太甜。下次可以再黎试埋佢嘅汤饺同埋四川凉面，见到隔离枱叫，卖相都好似唔错。