居酒屋·姫 (已結業)

天文台道有间神秘居酒屋，要行几步楼梯先至去到😌✨入到去居酒屋灯光暗暗地系个倾偈好地方，长身贴满左日式布置，咁都好舒服！终于揾到手掌心咁大抽嘅鳕鱼白子😍第一次见咁大旧，咬落去好香入口柔滑顺口，味道香甜鲜度满分。未试过食咁大件，咁大件口感更软滑更香，加咗少少醋更容易入口。𩽾𩾌鱼肝刺身又系脂肪丰富，口感滑嫩细滑入口即化😋同时间我哋嗌咗梅酒，细细啖𩽾𩾌鱼肝配梅酒，真系好正。秋刀鱼系季节鱼，味道清唔需要太多调味已经好好食，师傅将佢拆骨起肉得好靓😋食嘅时候好方便无骨。松叶蟹肉釜饭非常之出色，一打开见到好多好多蟹肉😋份量都唔少可以分到三碗仔，饭好香吸收晒海鲜精华。试少少串烧非常推介月见免治鸡肉棒，软骨同鸡肉比例适中😄软骨增加咬口好好食，最正就系月见汁，蛋浆食好香口。