Noc Noc

营业中

休息中

晚上放工同男友揸车想隐世啲，又唔想离市区太远，揾揾下揾到呢间NocNoc。如果从店入面望出去，唔话俾我听系大埔，真系以为去左西贡啲bar咁。餐牌嘅野都系丰俭由人，由$200尾嘅main course到$100以下嘅 pasta都有。因为小妹是松露爱好者，我毫不犹豫就点了，黑松露什菌天使面，仲见到有一样叫「松露树皮」嘅小食，当然叫埋。最后我哋两个叫左三样野，加埋个和风海鲜pizza就三样啦。先讲个黑松露什菌天使面，面身好幼，但感觉好thick and creamy，食落口一啲都唔轻身。黑松露好香，唔系平时伴左好多芝士和cream之后嘅味，感觉似最raw的黑松露酱，就睇下你系咪𠮶啲会一匙松露酱放入口嘅人啦。眼阔肚窄嘅我哋见到个面一半已经饱左。和风海鲜pizza，有带子有蚬有鱿鱼有群边⋯⋯上面有好多木鱼丝，几惹味的！最后好想一提个「松露树皮」，系脆炸菇片（超级薄身的！）沾松露酱。个酱系松露mix他他酱，好醒胃。用黎做佐酒前吃唔错～ 值得一试！