Dazzling Cafe (皇室堡) (已結業)

坐里面啲位开扬光猛，又有维园景，不过有时带位嘅同事会话无晒位，跟住我又见到之后有客人坚持又俾枱，所以大家可以问下坚持下。 午餐好抵，最抵系的黄金乌鱼子蒜义大利面餐 ($120)，个面平时单点都成$118，午餐包埋壶原价$52的热带水果茶，超抵又好味。 即使单叫，热带水果茶(冻)都系好抵好推介，比其他杯装饮品多几蚊，就有成壶同可多生果，好推介，茶味甜甜地好好味，加埋水果觉得清甜可口。秋焕葡萄果香茶, 本来我地叫嘅系蔓越莓苹果茶，但系𠮶位妹妹侍应落错单，就由佢，不推介，似药水味。经典蜜糖吐司, 基本上成大旧包，影相同睇就几靓，食就相信无乜人尤其女仔中意食咁大旧包，连里面都全是包，而且好干下，都几恶哽。松露薯条炸得好脆口，跟茄汁同类似他他汁的白色酱，唔太似松露酱，同薯条好衬，建议点这个白汁，好味，不建议点茄汁。