一鳴屋台料理

营业中

休息中

正烦恼紧晚餐食咩之际，就见到拉面店门口呢个牌，竟然出咗新口味 - 杂菌松露酱油猪骨浓汤，系我最爱既松露梗系要试试佢！我系平日八点左右嚟到，但已经全场爆满，大概等咗半个钟，终于可以入座。喺呢半个钟入面，我同朋友已经精心挑选左想试嘅菜式杂菌松露酱油猪骨浓汤拉面🍜本身嘅猪骨汤底非常浓厚，加上松露嘅独特香味，可算系锦上添花。猪软骨好腍好入味，溏心蛋煮得啱啱好，成碗拉面都好滋味明太子樱花虾软壳蟹御好烧🦀御好烧上面系一整只软壳蟹，非常有份量！山椒汁烧广岛蚝🦪蚝烧得啱啱好，外表好香，内里系半熟，口感非常嫩滑，蚝嘅鲜甜味好岀。一鸣创作酱炸鸡🐣炸鸡好juicy，再配埋个甜甜地嘅沙律酱，唔错！七味唐扬墨鱼咀🦑平时好少见到呢个菜式，所以特登试一试。微辣，粒粒香脆，口感几得意。鸡皮串烧🍗外脆内肥，口感好新奇，而且里面嘅鸡皮系折叠嘅，并非薄薄一块，所以会食到好明显嘅鸡皮口感。