餃掂手工餃子雲吞專門店

带住小朋友，喺中环区呢边想食个快饭又想有质素😄朋友就带我光临呢间饺掂，超推介我食呢度嘅招牌～松露饺听个名称就知道非一般✨龙凤松露双灼饺～一碟有两款松露饺，白松露菇味较淡，食落比较软滑，黑松露就比较浓味，混入猪肉馅，咬开就闻到充满香气，多汁鲜嫩，必食推介！粟米饺 大碗十粒～煎饺表面香脆，爽脆嘅粟米粒大大粒，饺子多汁又鲜甜，小朋友一定钟意❤️小食嘅蜜饯鸡翼和四川凉面都唔错，鸡翼可选三只或五只，虽然size唔系好大只，胜在够入味，蜜糖味好出。凉面有辣有唔辣，黄色嘅面条爽口弹牙。全部食品都系即叫即整，最耐嘅煎饺都系等15分钟就有，有效率又高质😍