Pillowtalk Restaurant & Bar

营业中

休息中

今日响红桥见完客，原本打算食个班戟，点知该店正值装修，唯有睇吓附近有咩食，见呢间餐厅&吧好似唔错，睇睇餐牌，食物又唔贵，咁就入去试试嘞。店内装潢好有餐厅&吧的感觉，灯光比较暗，几有气氛。今日想锯扒，叫咗一个羊扒、一个牛扒。主菜加$35可以升级，变成有餐汤或沙律(二选一)、蒜蓉包、甜品同餐饮。餐汤系忌廉磨菇汤，汤内有鲜磨菇粒粒，几香几好饮。蒜蓉包又香又脆，好味呀！沙律材料丰富，除咗沙律菜，仲有车厘茄、青瓜、面包粒...加埋麻酱汁，蔬菜爽口，味道酸酸哋好开胃大大份嘅香草酱法式羊架配薯角，羊架有3件，薯角份量都好多，仲有沙律菜伴碟。薯角大大件又香又脆，好好食呀！羊架肉味香浓，点香草酱薄荷一齐食，唔膻又好味。同行叫咗纽西兰草饲西冷配薯角，份量都好大吓，见佢伴碟有秀珍菇、蒜片、沙律菜同车厘茄。睇落好似唔错。甜品系提拉米苏，口感软滑带有微微酒香，好好味㖞。