荷華庭園景餐廳 (已結業)

原来林村有一间咁靓嘅隐世餐厅，揸车嚟嘅话可以直接泊喺餐厅出面都几方便👍🏻餐厅环境好大，有室内同室外，室外嘅话有唔同嘅特色屋仔包厢，个环境靓到好似去咗渡假咁，如果好天影相会更加靓！我哋最后坐咗喺室内，店员都好细心咁将蚊香放喺枱底，咁就唔怕俾蚊咬啦！黑松露焗珍宝大虎虾（$298）只虾上面好多芝士，又有少少菇，食落味道好夹，虾味都好浓！烧安格斯牛柳（$398）叫咗五成熟，牛味都好浓郁好juicy，下次想试吓三成熟🤭焗火焰雪山（$128）细size其实都够两个人食，佢着火𠮶阵真系好打卡able🤭切开里面系软绵绵嘅蛋糕、杂果同雪糕，全部食哂！