永星冰室

营业中

休息中

果栏附近其实系冇乜食店既揸车经过，想停低食个晏，点知俾我发现到呢间小店，呢间真系小店，系真系得廿个座位佢个名用得永星，就知佢系永星里附近，又仲要系冇乜其他餐厅，同埋用呢个名啦。呢到装修系普通，睇落系唔高贵既，但普通得黎有种格，即系唔系茶餐厅，系冰室。知唔知讲乜呢？算啦，睇相就明架啦⋯⋯讲返食物啦，我叫咗个鲜茄芝士焗鸡扒饭，由于呢条街抄牌好劲，我连泊咗架车，就连车头都睇到架啦，都担心要加𩠌食牛肉干，所以外卖。但焗饭，佢点都系用锡纸盆架啦。呢个饭，面头有豆苗，香草，食落便有一点点清新既感觉。鸡扒系合格既味道，但饭呢⋯⋯就差咗少少，就算系用冷饭，都要落返多啲水，淋少少好啲，我就算唔系食开软饭，都真系唔想食得太硬既饭。