影片
更多
2009-09-01
18 浏览
7月1日, 庆回归~ 食寿司~! 我地怀疑可能半个九龙嘅人都过咗香港参加七一大游行, 于是今日旺角变得好好行~ 黎呢间东京回转寿司仲唔洗等位添!::: 三文鱼寿司 ::: $10坐低无耐二话不说就拎咗碟三文鱼寿司先! 三文鱼颇新鲜, 纹路靓~ 油润有光泽~ 而且真系几厚的! 寿司饭size适中, 捏得够实唔怕松散. 整体令人满足~ 所以临尾再encore多一碟, 都依然系咁厚切咁好味!::: 拖罗寿司 ::: $20又系极厚切! 不过呢个拖罗就认真麻麻! 鱼生无乜油光, 明显只得厚度, 有欠肥美. 切口差, 咬落成条筋痴住根本咬唔开, 要成块鱼生啪入口! 味道亦一般, 仲有少少腥, 呢件拖罗唔合格…::: 剑鱼腩寿司 ::: $14都几新鲜, 而且清甜~ 不错~::: 龙虾沙律寿司 ::: $11本周精选寿司大优惠之一. 系唔错wor! 龙虾粒落得几多, 咬落够弹牙, 仲加咗洋葱粒, 整体味道丰富~ 略嫌沙律酱多咗d~ 不过$11真系好抵食!::: 樱花鱿鱼寿司 ::: $11本周精选寿司大优惠之二. 樱花鱿鱼落得重手! 望落十分大堆头~ 味道亦不错! 军舰好唔好一定要睇埋块紫菜脆唔脆
::: 三文鱼寿司 ::: $10
坐低无耐二话不说就拎咗碟三文鱼寿司先! 三文鱼颇新鲜, 纹路靓~ 油润有光泽~ 而且真系几厚的! 寿司饭size适中, 捏得够实唔怕松散. 整体令人满足~ 所以临尾再encore多一碟, 都依然系咁厚切咁好味!
::: 拖罗寿司 ::: $20
又系极厚切! 不过呢个拖罗就认真麻麻! 鱼生无乜油光, 明显只得厚度, 有欠肥美. 切口差, 咬落成条筋痴住根本咬唔开, 要成块鱼生啪入口! 味道亦一般, 仲有少少腥, 呢件拖罗唔合格…
::: 剑鱼腩寿司 ::: $14
都几新鲜, 而且清甜~ 不错~
::: 龙虾沙律寿司 ::: $11
本周精选寿司大优惠之一. 系唔错wor! 龙虾粒落得几多, 咬落够弹牙, 仲加咗洋葱粒, 整体味道丰富~ 略嫌沙律酱多咗d~ 不过$11真系好抵食!
::: 樱花鱿鱼寿司 ::: $11
本周精选寿司大优惠之二. 樱花鱿鱼落得重手! 望落十分大堆头~ 味道亦不错! 军舰好唔好一定要睇埋块紫菜脆唔脆, 呢度都系合格以上~ 值得一试!
::: 炸虾寿司 ::: $17
虾系新鲜热辣炸的~ 食时仲有少少辣口! 份量足, 啖啖都有虾肉, 配上沙律酱十分香口~ 好味!
::: 吉烈蚝卷 ::: $17
有趣新尝试! 呢个卷物唔系用紫菜包的, 系一层厚厚地好似鱿鱼丝质地嘅物体. 吉烈蚝炸得非常香脆, 而且鲜味十足, 加埋沙律酱真系good! Nice try~
::: 带子寿司 ::: $20
呢度唔单只鱼生厚切, 个带子都真系拍得住峰寿司个珍宝帆立贝!! 睇样都feel到只带子有几肥美啦~ 真系起码要分三啖先食得完!! 而且佢唔系得个大字, 仲要鲜度十足~ 极推介呀~
::: 下午茶餐 炸鸡扒拉面+冻柠檬绿茶 ::: $20
食下食下由lunch time食到tea time, 见到佢1个拉面下午茶加埋野饮都只不过系一碟寿司嘅价钱!! 我同呀比都忍唔住叫了一个~ 奶白色的汤底配上尚算爽口弹牙的拉面, 配料有粟米葱粒云耳同蟹柳~ 炸鸡扒皮脆肉嫩干身, 真系炸得唔错! 柠檬绿茶似系道地嘅出品~ 而且够冻~ 我钟意! $20真系平到无野讲!
以前屋企附近有间东京回转寿司, 不过见佢upup dupdup一直无试过. 今日一试原来佢系咁出色架~ 而且仲抵食夹大件! 一定会再翻食的~
张贴
