影片
更多
2011-06-26
48 浏览
本来都唔识呢间食店, 但朋友话睇杂志见到大赞咕噜肉好好食,而成班朋友其中一个又劲钟意食咕噜肉,所以二话不说即系约齐成班朋友一齐嚟试!初时谂住系杂志介绍, 冇抱太大期望,我哋仲系特登坐的士过嚟食架!入到舖头, 地方其实都几细,我哋一行十人坐咗入最入𠮶张大台,齐人后嗱嗱声叫𩠌, 主菜当然系咕噜肉啦!仲有豉油王蒸豆腐、土鱿蒸肉饼、咸鱼煎肉饼、马拉盏炒芥兰猪颈肉、通菜啫啫煲、猪手煲同班腩豆腐煲。样样都好味, 咕噜肉真系坚好好味,里面全部都系瘦肉, 外面层炸皮非常之簿, 但又够松脆, 汁既味道又啱啱好, 超美味呀!! 一人食咗一件后已立即决定re-order!豉油王豆腐够香, 土鱿蒸肉饼清清哋但味道够, 咸鱼煎肉饼就争少少, 啲咸鱼虽然咸但唔够香, 不过送饭都唔错,马拉盏炒芥兰猪颈肉够辣, 猪颈肉几爽几香, 系啲芥兰淋咗啲, 可能时节唔啱,通菜啫啫煲劲香口, 唔钟意食菜既人都会钟意食!猪手煲啲猪手够晒淋身同入味, 正!班腩豆腐煲啲班腩肉真系有好香既鱼味, 我劲钟意食! 可惜系啲豆腐唔够香同滑~食完八个𩠌, 我哋竟然唔够喉, 立即再叫多四个𩠌, 当然其中一个系咕噜肉啦~另外再叫咗个凉瓜煎蛋、咖喱
本来都唔识呢间食店,
但朋友话睇杂志见到大赞咕噜肉好好食,
而成班朋友其中一个又劲钟意食咕噜肉,
所以二话不说即系约齐成班朋友一齐嚟试!
初时谂住系杂志介绍, 冇抱太大期望,
我哋仲系特登坐的士过嚟食架!
入到舖头, 地方其实都几细,
我哋一行十人坐咗入最入𠮶张大台,
齐人后嗱嗱声叫𩠌, 主菜当然系咕噜肉啦!
仲有豉油王蒸豆腐、土鱿蒸肉饼、咸鱼煎肉饼、
马拉盏炒芥兰猪颈肉、通菜啫啫煲、
猪手煲同班腩豆腐煲。
样样都好味, 咕噜肉真系坚好好味,
里面全部都系瘦肉, 外面层炸皮非常之簿, 但又够松脆,
汁既味道又啱啱好, 超美味呀!! 一人食咗一件后已立即决定re-order!
豉油王豆腐够香,
土鱿蒸肉饼清清哋但味道够,
咸鱼煎肉饼就争少少, 啲咸鱼虽然咸但唔够香, 不过送饭都唔错,
马拉盏炒芥兰猪颈肉够辣,
猪颈肉几爽几香, 系啲芥兰淋咗啲, 可能时节唔啱,
通菜啫啫煲劲香口, 唔钟意食菜既人都会钟意食!猪手煲啲猪手够晒淋身同入味, 正!
班腩豆腐煲啲班腩肉真系有好香既鱼味, 我劲钟意食! 可惜系啲豆腐唔够香同滑~
食完八个𩠌, 我哋竟然唔够喉, 立即再叫多四个𩠌, 当然其中一个系咕噜肉啦~
另外再叫咗个凉瓜煎蛋、
咖喱牛腩煲
同炒鲜奶,
再re-order既咕噜肉仍然好好味, 我谂再嚟多碟都食得晒...凉瓜煎蛋出奇哋唔苦㖞~ 煎得几香, 值得一试,
咖喱牛腩煲用嚟送饭一流! 啲牛腩算合格几淋, 个汁都够味,
但个人钟意食辣, 所以如果再辣啲会更钟意!
最后个炒鲜奶劲正呀! 原来呢个𩠌唔系咁易做,
要有噃咁上下经验既师傅先炒得到, 因为好易㶶, 又系值得一试既𩠌!
另外一定要赞一赞𠮶度啲职员, 虽然个个都唔后生, 但啲服务质素超好,
落单时都畀咗好多意见我哋, 又不停会斟茶同睇吓我哋要乜,
见我哋话钟意食咕噜肉, 特登加大畀我哋,
个豉油王蒸豆腐正常得八件, 但见我哋十个人,
又特登落单叫人整够十件畀我哋,
虽然最后师傅唔记得整, 但佢哋既诚意同礼貌都绝对嘉许!
总括嚟讲, 我超挂住个咕噜肉啰~ 相信不久既将来我必定会嚟食多次!!
张贴
