味皇魚蛋粉 (已結業)

早几师傅见食得唔系好饱, 咁啱路经此地加上好耐冇黎过 , 于是决定黎呢度食番个宵夜, 顶一顶肚先!入到去人唔多, 求其揾个位坐底, 之后就即刻睇下有咩食, 谂左一阵最后决定柯打鱼皇五宝净食加紫菜, 再要多杯冻柠乐!等左一阵鱼皇五宝净食加紫菜就登场, 先睇下有几多野食先, 有两块炸鱼皮, 两片鱼片头, 一粒鱼蛋, 一粒鱼皮饺同埋一粒沙鱼丸, 仲有d 菜; 炸鱼皮就好香好脆, 味道一流; 鱼片头非常弹牙爽口, 冇得顶; 鱼蛋都系爽口非常, 又冇骨又唔腥, 好好味; 鱼皮饺又系烟烟韧韧, 口感一流, 正呀; 沙鱼丸系酱爆, 但唔会一咬就唧晒d汁出黎, 而且几大粒几爽口; 紫菜就唔知点解一d都唔腍兼且几硬, 算系师傅食紫菜以来最差嘅, 所以唔算好味! 总括黎讲食第质素几好, 系紫菜差少少要扣分, 而服务都可以 , 环境装修左就光猛左, 加上价钱都算经济, 埋单都系三十有九, 可以啦; 食到饱饱后, 师傅就带住一伙满意的心离去, 味皇果然系名不虚传; 如果有机会师傅下次都仲想再黎, 笑脸值得一比!