金船長餐廳 (已結業)

呢条街有好多嘢食，不过最后拣咗入去呢间餐厅，因为佢系得奖餐厅，紧要试下咩料😈入到去一定试奖名菜，黑松露pizza同我想像中嘅样唔同但系呢个真系一定要试，一上枱已经闻到好香黑松露味，一阵一阵不断咁飘过黎，流晒口水。侍应仲好细心咁讲解有唔同食法，首先系原味食，然后系点秘制提子酱食，之后系加沙律菜食。我个人觉得其实原味系最好食☺️特别一提个提子酱好正，酸酸甜甜又有少少提子味，如果可以外卖走佢就好了。Pizza 记得上枱就好趁热食！！！我同朋友仲叫左个小食，牛肝菌云吞素云吞感觉清淡，大家可以一试，味道唔错的今晚简直系黑松露之夜，朋友主菜拣左个黑松露意大利饭，入边有啲不同种类嘅菇，中和左饭嘅腻，份量好大碟，两个人share啱啱好完美晚餐要有完美甜品做最后点缀，个人特别钟意叫心太软，因为唔易整，太熟冇流心，太生又成唔到型呢度嘅心太远啱啱好系心太软，唔会太生唔会太熟，不过朱古力味唔太够，我钟意苦啲嘅朱古力。😆最值得一赞系侍应嘅服务态度，由我哋坐低到走，不断会行过黎问我地要唔要水，又会细心解释每一样唔同食物，最好嘅系唔会赶我地走。👏🏿👏🏿价钱方面贵少少，但个人觉得可以接受，食物质素唔错环环境又舒服麻🤗