餃掂手工餃子雲吞專門店 (已結業)

妈妈同我都钟意食饺子，听闻界限街开咗间好「掂」嘅饺子店，就带佢嚟试吓！店面好光猛阔落，职员带咗我哋入去偏厅度坐，张枱够大，枱上放满各式各样嘅调味料，仲有成樽腌萝卜任食唔嬲！妈妈见到有汤品可叫，即刻双眼发光，当然要点呢个状元九鼎汤（粉葛鲮鱼鲫鱼汤）。一饮就知冇落味精，清得黎够足料，叫完一碗share，之后encore 再叫多碗！前菜我点左皮蛋$18，麻辣味只是以碟底的少量辣油带出，冇其他调味或剁辣，味道较为单一。试左个招牌松茸猪肉饺（灼），$65有8只，饺子size 够大，猪剁得松软，每口都要清香嘅松茸味，同猪肉非常搭配。好钟意其他饺可以双拼咁叫，可以试多约几款，韮菜系我至爱必点，拼埋云耳椰菜7只共$37。汤底都系九鼎汤，不过煮完饺子会比净汤油啲。芝士煎饺好出色，有粟米粒又要爆泻嘅热辣辣芝士，煎到金黄色又脆又香，唔错！呢度质素唔错，地点又方便，得闲挑起食饺子瘾嘅时候又要返嚟帮衬啦！