天天海南雞飯 (新城市廣場三期)

营业中

休息中

今日同朋友行完沙田新城市广场，好耐未食过海南鸡啦，所以去咗天天海南鸡食晚饭！呢间餐厅嘅嘢食都几丰富，有好多选择，我哋两个人叫咗一份正宗海南鸡、鬼马水蜜桃咕噜肉、食神鱼子菠萝海鲜炒鸡油饭、同埋豆花恐龙美禄。正宗海南鸡终于食到我最爱嘅海南鸡啦! 鸡肉鲜嫩多汁，皮薄多肉，配上特制嘅酱料一齐食，十分惹味！鬼马水蜜桃咕噜肉呢个冰镇咕噜肉都好特别，底部嘅瓶子装住啲干冰，不停飘出烟雾，十分特别。咕噜肉酥脆多汁，外层香脆、肉质嫩滑，配上甜甜酸酸嘅酱汁加埋水蜜桃，钟意食酸甜嘅朋友唔好错过！食神鱼籽菠萝海鲜炒鸡油饭呢个海鲜炒饭味道唔错，每一啖都有虾仁，配上鲜甜鱼籽加埋菠萝干食，感觉新鲜！豆花恐龙美禄最后呢杯豆花恐龙美乐系我嘅最爱，上层铺满美禄粉，下身就系香滑嘅豆腐花，每一啖都好香浓朱古力味，推荐呢个！