六両三.台灣食堂

营业中

休息中

观塘原来都有六两三，仲有火锅。两个人叫左一碗半筋半肉牛肉面加盐酥鸡同埋火锅set share。半筋半肉牛肉面肉同面嘅份量都唔欺场，汤底有阵外面少见嘅甜味，加埋辣牛油再惹味啲。牛筋同牛肉都煮得够淋，果然系靠牛肉面起家。盐酥鸡新鲜炸起，肉唔会太干，调味都几台。麻辣火锅汤底本身包左鸭血同豆腐，汤底都相当辣，唔太食得辣建议问下有无小辣或者拣其他汤。我拣左梅花肉，肉片都几大块，加钱可以拣唔同款牛肉。菜盘仲有火锅料，两个人share都够食。主食拣左少见既王子面，超挂汤（即系超辣，哈），面质比较易淋，记得睇火。西柚茶奶盖白桃乌龙两杯都几有茶饮店感觉，茶底系出色嘅。