響茶 (利都樓)

营业中

休息中

自问都饮过好多间珍珠奶茶，当中都有d好好饮，但唔知点解唔会令我想写食评，不过呢间确实好想share。话说知自己会嚟呢边，所以都有睇定附近有咩小店，仲自备定胶杯。拣呢间第一个原因就系佢无分店喺旺区，即系油尖旺、铜锣湾、中环𠮶d，第二就系位置好方便。至于我嘅喜好就系钟意饮冻但要走冰，不过好多间都话只可以少冰，而佢呢到就好爽快话可以，抵赞！跟住就系佢个厨房系可以睇到哂员工点整，就系咁我睇到我杯嘢系未满，但个员工唔系加茶而系加珍珠填满。另外，因为我自备胶杯，个员工话个盖唔系好够实，问我洗唔洗用番佢哋个杯，我话唔紧要，之后佢入番厨房，睇到佢double confirm 有无盖好，仲check 完再check有无漏，再抹干净成杯嘢先俾我，成个过程令我觉得好贴心，所以味道中评都唔紧要，我会继续支持。