Chef's Stage Kitchen (愉景新城) (已結業)

同朋友经过愉景新城，见到呢间外观感觉好有意式风格嘅西餐厅…于是就急不及待走入去试下!好快服务员安排了座位及送上餐牌，呢间餐厅d价钱算系中高级价格!食物质素一定要有水准啦...我地点咗个黑松露牛肝菌磨菇浓汤、巴马火腿及蜜瓜配火箭菜伴黑醋汁、初榨纯橄榄油蒜香白酒煮纽西兰海钻蚬扁意粉(微辣)、香草焗原条法国海鲈鱼(配水煮新薯及杂菜、伴白酒忌廉汁)而饮品就点咗两柸特饮菠萝斑兰叶及士多啤梨香蕉朱古力!呢个浓汤…极之好味!牛肝菌及蘑菇味道十分特出!巴马火腿咸咸地再配埋超甜蜜瓜...放入口中真系绝配呀!呢个用咗白酒煮嘅纽西兰海钻蚬扁意粉…d意粉超弹牙再加埋咁大只嘅蚬味道真系好鲜甜呀!呢条焗法国鲈鱼…拎到枱前面已经闻到香喷喷!入口热辣辣再配上个白酒忌廉汁…带出条鱼嘅鲜甜味道!加埋两柸冰冻特饮简直系超级享受…菠萝斑兰叶，斑兰味道特别香浓，有点似食紧斑兰蛋糕feel，而朱古力浓郁再加埋香蕉士多啤梨，呢柸好有满足感哦!