食包 (已結業)

行完金都，经过啲间汉堡店，见佢个样都几得意就试吓，点知原来开心大发现，冇期待反而有惊喜，真系几好食😆 店舖主要做外卖，得2张二人枱。装潢走玩味风格，都系一啲8bits 图案，对热爱打机人士（仲要系80后以上）一定非常熟悉🤣成个厨房都系开扬设计，完全睇到入面个运作，由落单、切包皮，准备配料同煎汉堡都一览无遗😎。汉堡包都有唔少款式（价钱由$62-92），加$18 多个小食同一杯罐装饮品。另外仲有热狗添！我哋叫左两个餐，汉堡足料又好味，薯条炸鸡都一样出色，一个满足感爆灯嘅快餐！🍔WB猪牛薯堡👍🏻👍🏻👍🏻👍🏻👍🏻写明系mega，果然真系好巨型！配料好丰富，除左汉堡扒有蕃茄、煎流心蛋（真. 流心）、芝士片、薯饼、生菜。汉堡扒非常有牛肉味，薯饼炸得够脆，最正系整个包都系热辣辣，份外滋味！🍔 肉酱汉堡 👍🏻👍🏻👍🏻👍🏻同WB经典汉堡一样有蓄茄、煎流心蛋、芝士片、生菜、汉堡扒，唯一分别系加左波隆拿肉酱（Bolognese sauce），各有特色。🍟薯条👍🏻👍🏻👍🏻👍🏻加左好多调味粉，而且炸得够脆，几好食。最正系佢个茄汁🥫，唔系一般嘅茄汁而系带有少少tabasco 味道嘅茄汁，几特别，好味！🍗青山炸鸡👍