影片
更多
2011-11-05
59 浏览
早前系Facebook见朋友系尖沙咀食原个菠萝沙冰，非常吸引，今晚一于去试吓。地点系尖沙咀嘉兰围，一个旺中带静嘅地方，其实系喺利时商场后面，非常易揾。舖面唔系好大，约一千呎，但以糖水舖来说，并唔细；门面以粉红色包裹著横梁及柱面，配以落地玻璃，招牌用上白色字样，非常kawaii；舖内装潢亦十分kawaii，厨房部份亦都用上粉红色，其他墙身则漆上白色，贴满红色、绿色、黄色、橙色嘅花花草草图案，与甜品非常贴题；枱櫈用咗白色方木枱櫈，田园风味十足；整间舖嘅格调，好young，好green，好fresh，好kawaii。看一看餐牌，才发觉这间常尝甜品原来只是分店，至今开舖四个多月，总店原来系佐敦庙街。甜品种类颇多，有原只生果冻冰冰系列、北海道奶冻系列、美式滑滑冰系列、黑珍珠系列、大明珠系列、小西米系列、凉粉系列和几款独家推介，包括北海道炖奶、杨枝甘露、心太软、芭菲杯、华夫脆饼等等，仲有一系列嘅中式冷热糖水。我哋今晚嘅目的，当然系原只生果冻冰冰，向老板打听后，知道有几款生果都好甜、好靓，我哋最后拣咗原只台湾菠萝冻冰冰和原只西瓜冻冰冰，三个人准备将两个冻冰冰溶化。西瓜冻冰冰先来，喺一个去咗顶嘅迷你西
地点系尖沙咀嘉兰围，一个旺中带静嘅地方，其实系喺利时商场后面，非常易揾。
舖面唔系好大，约一千呎，但以糖水舖来说，并唔细；门面以粉红色包裹著横梁及柱面，配以落地玻璃，招牌用上白色字样，非常kawaii；舖内装潢亦十分kawaii，厨房部份亦都用上粉红色，其他墙身则漆上白色，贴满红色、绿色、黄色、橙色嘅花花草草图案，与甜品非常贴题；枱櫈用咗白色方木枱櫈，田园风味十足；整间舖嘅格调，好young，好green，好fresh，好kawaii。
看一看餐牌，才发觉这间常尝甜品原来只是分店，至今开舖四个多月，总店原来系佐敦庙街。甜品种类颇多，有原只生果冻冰冰系列、北海道奶冻系列、美式滑滑冰系列、黑珍珠系列、大明珠系列、小西米系列、凉粉系列和几款独家推介，包括北海道炖奶、杨枝甘露、心太软、芭菲杯、华夫脆饼等等，仲有一系列嘅中式冷热糖水。
我哋今晚嘅目的，当然系原只生果冻冰冰，向老板打听后，知道有几款生果都好甜、好靓，我哋最后拣咗原只台湾菠萝冻冰冰和原只西瓜冻冰冰，三个人准备将两个冻冰冰溶化。
西瓜冻冰冰先来，喺一个去咗顶嘅迷你西瓜上（正确d讲，应该系半个西瓜），堆满西瓜沙冰，再洒上几粒色彩缤纷嘅蒟蒻，净系𠮶样，已经引死人，服务员一放低，已经有一阵清新嘅西瓜味扑鼻；老板仲强调佢哋d沙冰，与坊间嘅沙冰唔同，因为佢哋会将d生果雪至结冰，再将呢d冰生果用沙冰机打碎成沙冰，唔会加任何人做色素或果汁，全部真材实料；我哋急不及待，一人一只羹，大口大口咁将冰山劈开； 入口果然冻冰冰，仲有一阵清甜嘅味道，淡淡的，唔浓烈，系西瓜嘅甜味和香味，原汁原味，绝对冇人工化嘅甜味，感觉就好似食西瓜似的，唔错，我哋都好喜欢。
正当我哋食不停手之际，菠萝冻冰冰亦都送上，呢𠮶菠萝冻冰冰比西瓜冻冰冰更高，呵呵呵，睇得我吔更开心，除咗蒟蒻外，仲有几粒西米系沙冰上，系灯光照射下，闪晶晶，好抢眼；而且菠萝嘅香味比西瓜浓郁，食了一口，比西瓜更甜，更香，老板话系台湾香水菠萝，虽然细个，但芳香清甜。
你一啖，我一口，唔驶三个字，我哋三个已将呢两个冻冰冰溶化了，埋单$96，平均每人$32。张贴
