影片
更多
2021-10-22
2787 浏览
早几日去咗陆羽茶室 激到成肚火收我30几蚊茶钱竟然俾个不锈钢茶壶我 啲茶又唔够浓 真系激到我弹起终于呢两日去咗莲香居饮茶安抚我受伤嘅心灵古语有云 饮啖茶食个包 水滚茶靓 一盅两件嚟到我呢度变咗 叹啖茶食个挞 水滚茶靓 两盅十件睇吓楼下嘅图就可以见到我哋嗌左边十样嘢最为强烈推荐系 系蛋挞同猪润烧卖啱啱好呢两日天气又凉我哋就叫咗杏汁白肺汤嚟滋润吓 点知呢头落单 转头叔叔就推住架车出嚟 蛇羹啊蛇羹啊 我哋又忍唔住举手试吓系呀呢度仲系用紧点心车 姐姐经过嘅时候麻烦竖起耳仔 听吓佢哋嗌咩 经过两日嘅训练我终于可以听得顺利一啲1.虾肠～牛肠～猪润肠～ 2.虾饺～烧卖～牛孖根～ 3.叉烧包～鸡球大包～马拉糕～听住佢哋咁嗌真系可以想像到爸爸妈妈嘅年代系点样嘅 好似真系别有一番风味呢度而家已经比较少茶客 会冲出去攞嘢食 取而代之就系截停架点心车同姐姐讲 再唔系当佢嗌紧啲点心嘅时候 你更加大声回应佢 例如你听到佢嗌烧卖你又想整返笼嘅 你用更大声去回应佢大声一嗌烧卖 之后佢就会攞住笼烧卖 走埋嚟你张枱同出面嘅茶楼相比 似乎更加有情怀更加有人情味 比起一般填纸仔落单有更加多嘅交流 姐姐唔太忙嘅时候亦都会推介下
收我30几蚊茶钱竟然俾个不锈钢茶壶我 啲茶又唔够浓 真系激到我弹起
终于呢两日去咗莲香居饮茶安抚我受伤嘅心灵
古语有云 饮啖茶食个包 水滚茶靓 一盅两件
嚟到我呢度变咗 叹啖茶食个挞 水滚茶靓 两盅十件
睇吓楼下嘅图就可以见到我哋嗌左边十样嘢
最为强烈推荐系 系蛋挞同猪润烧卖
啱啱好呢两日天气又凉我哋就叫咗杏汁白肺汤嚟滋润吓 点知呢头落单 转头叔叔就推住架车出嚟 蛇羹啊蛇羹啊 我哋又忍唔住举手试吓
系呀呢度仲系用紧点心车 姐姐经过嘅时候麻烦竖起耳仔 听吓佢哋嗌咩 经过两日嘅训练我终于可以听得顺利一啲
1.虾肠～牛肠～猪润肠～
2.虾饺～烧卖～牛孖根～
3.叉烧包～鸡球大包～马拉糕～
听住佢哋咁嗌真系可以想像到爸爸妈妈嘅年代系点样嘅 好似真系别有一番风味
呢度而家已经比较少茶客 会冲出去攞嘢食
取而代之
就系截停架点心车同姐姐讲
再唔系当佢嗌紧啲点心嘅时候 你更加大声回应佢
例如你听到佢嗌烧卖你又想整返笼嘅 你用更大声去回应佢大声一嗌烧卖 之后佢就会攞住笼烧卖 走埋嚟你张枱
同出面嘅茶楼相比 似乎更加有情怀更加有人情味 比起一般填纸仔落单有更加多嘅交流 姐姐唔太忙嘅时候亦都会推介下你有咩好食
不过惨在
呢度有啲点心系要落单
有啲点心系要等佢推车出
仲有啲点心要星期六日先有平日冇得食
你食唔食到全靠缘份
好似我哋想食猪润烧卖成功落单有得食
想食灌汤饺点知要等车出 *可惜原来已经一早卖晒唔怪之得等极都冇
谂住落单嗌个西米布甸 哎呀星期六日先有㗎
带着小小嘅遗憾期待住下次再嚟
可能呢啲就系饥饿营销 饮茶都要有策略
介绍番啲点心
蛋挞非常松化 从来都唔知道原来莲香系有蛋挞嘅 可能因为真系唔知道 所以觉得佢特别好食 直头松化到惊为天人 我哋食𠮶阵时蛋挞已经出咗炉一段时间 绝对唔系热辣辣 直头系冻冰冰 喺冻冰冰嘅情况食蛋挞 都知道绝对系输蚀左 都打定输数可能真系麻麻哋 但系第一啖已经松化无比 真系好希望下一次可以食到新鲜出炉嘅蛋挞
猪润烧卖一揭起个笼盖 𠮶阵猪润味浓郁到不得了 一食落去唔知点解又系松化无比 好正 虽然唔系黄沙润 但系已经食返儿时味道
细细个𠮶阵时净系去过莲香楼 当其时好多人一窝蜂冲出去拎嘢食 真系吓到我腾腾震 只可以靠爸爸出去拎嘢食 宜家大个咗够胆出去拎嘢食 但系已经冇呢支歌仔唱
莲香虽然唔算系一间好好既茶楼 但系喺呢度绝对可以食得返一份情怀同埋回忆
如果有一日香港失去莲香嘅时候
会唔会又系代表一个时代嘅终结呢？
虽然啲叔叔系有啲寸嘴 但睇住佢熟手帮我哋斟水 自己又谂吓点解冇啲后生仔既？当呢一啲叔叔退下火线果阵 莲香仲系咪好似而家咁样？
定终有一日会被淘汰变成出面一般嘅酒楼写字落单？到时仲会唔会有一个叔叔拎住个大茶壶喺度帮人斟水？
如果莲香变成出面一般嘅酒楼 冇咗姐姐嘅叫卖 冇咗叔叔既寸嘴 可能佢就已经唔再喺莲香 只系得返个名 因为呢一份属于莲香嘅传统已经失去
蛋挞
42 浏览
0 赞好
0 留言
蛇羹
50 浏览
0 赞好
0 留言
川贝杏汁白肺汤
40 浏览
0 赞好
0 留言
虾饺
27 浏览
0 赞好
0 留言
烧卖
23 浏览
0 赞好
0 留言
猪润烧卖
35 浏览
0 赞好
0 留言
蚝油鸭掌
23 浏览
0 赞好
0 留言
凤爪
23 浏览
0 赞好
0 留言
排骨
19 浏览
0 赞好
0 留言
炸云吞
28 浏览
0 赞好
0 留言
张贴
