影片
更多
2013-05-04
10 浏览
第1次写食评, 呢间野真系唔写唔得之前系yahoo团购买左2张呢间野既coupon (5月6到期), 就同左男朋友去试coupon: 沙律+潜艇三文治+热饮+甜品我地由柯士甸道25号行到去金巴利道都揾唔到间舖唯有返转头再揾啦 (因为见佢仲有出新既团购, 断估未汁!)原来系1个十分偏僻既位置!!! 楼上系3~4栋唐楼围住晒, 向上望会见到个四方形既天空到叫野食啦, 佢问我地要咩, 有牛同肉丸拣, 我地两个人就各1啦跟住又问我地要咩野饮, 咖啡定茶, 冻饮要加$2咁我地就嗌冻柠茶啦, 佢话咁即系VLT啦我地要load一下先知系维他柠檬茶 (乜依家有人咁叫维他柠檬茶架咩?)落完单冇耐, 就话揾晒成个仓都冇VLT, 叫我地转野饮, 维他奶要加$5 (好贵!) 结果叫左可乐(加$2)同热茶我地坐低等野食果阵, 又有两位团购客到个服务员就同佢地讲话冇晒潜艇三文治 叫佢地转其他, 个客就唔倨啦开始嘈老板就反驳, 话个客唔事先打电话去book位, 个客就话打左老板又唔鬼听, 老板仲话返个客蛮不讲理!果两位客结果嘈多阵就嬲到走左(后来继续有团购客黎)潜艇三文治: 广告相有蕃茄青瓜各3块, 实际得各1块,
之前系yahoo团购买左2张呢间野既coupon (5月6到期), 就同左男朋友去试
coupon: 沙律+潜艇三文治+热饮+甜品
[环境]
我地由柯士甸道25号行到去金巴利道都揾唔到间舖
唯有返转头再揾啦 (因为见佢仲有出新既团购, 断估未汁!)
原来系1个十分偏僻既位置!!! 楼上系3~4栋唐楼围住晒, 向上望会见到个四方形既天空
[服务]
到叫野食啦, 佢问我地要咩, 有牛同肉丸拣, 我地两个人就各1啦
跟住又问我地要咩野饮, 咖啡定茶, 冻饮要加$2
咁我地就嗌冻柠茶啦, 佢话咁即系VLT啦
我地要load一下先知系维他柠檬茶 (乜依家有人咁叫维他柠檬茶架咩?)
落完单冇耐, 就话揾晒成个仓都冇VLT, 叫我地转野饮, 维他奶要加$5 (好贵!) 结果叫左可乐(加$2)同热茶
我地坐低等野食果阵, 又有两位团购客到
个服务员就同佢地讲话冇晒潜艇三文治 叫佢地转其他, 个客就唔倨啦开始嘈
老板就反驳, 话个客唔事先打电话去book位, 个客就话打左老板又唔鬼听, 老板仲话返个客蛮不讲理!
果两位客结果嘈多阵就嬲到走左
(后来继续有团购客黎)
[食物]
潜艇三文治: 广告相有蕃茄青瓜各3块, 实际得各1块, d牛肉又少到爆, 都摆唔满个包!
沙律: 1块青瓜1块蕃茄, 加几块生菜再加几滴醋, 搞掂! 蕃茄仲要俾最顶顶果个位俾我
饮品: OK (都几难唔OK)
甜品: 神级tiramisu, 拢少少湿水蛋糕+挤一大pat cream就得, 雪都悭返 超劲
就算系我呢个料理白痴 以前第1次整既木槺布甸都好味过佢个甜品啦! 真系非一般难食, 未食过咁难食既甜品
[卫生]
食食下果阵, 除左有乌英飞过之外, 仲见到隔离枱既枱底有只小强!!!!!!
[总结]
免费都唔会再食!!!!
张贴