POM Cafe (已結業)

其实原本见网上D评论咁差,其实都唔太想去果度,不过生日果位朋友好钟意果间D室内布置,而且因为15个人可以BOOK房玩,所以最终都系去左呢间~ 间房有WII玩,个职员重话会拎D新GAME入黎俾我地玩... 拎拎下无左回事LU... 果个都唔紧要... D食物我地因为隔左可能半个钟至九个字先食,所以D野食硬晒=_=... 想叫佢地帮我地叮一叮,佢话只可以叮2,3样... 但我出去时,系一个客都冇的... 如果佢忙我都算... 唉.. 最后原本老细同我地讲冇人的话,间房可以俾我地玩到2点,呢个都系吹水的=_=.. 10点半就吹单赶人走LU~ 但因为我地有成一半以上既食物都未食完,所以想话唔好浪费打包番屋企... 点知最爆既野发生左... 佢竟然话唔可以打包走,因为怕拎左出去后,怕唔知会有咩事发生... (JA系话怕我地肚痛时赖佢地!) 咁佢唔肯帮我地打包,咁我地问佢如果我地带盒自己打包走得唔得... 佢又话得... 咁我地除左无言都唔知讲咩好... 呢间餐厅最后重收左我地每位二百蚊,重问我地洗唔洗转出面继续玩,多谢每位再消费多一杯野饮!!